Ողջո՛ւյն, հիմա կպատմեմ մուտք ճամբարի 2-րդ փուլից՝ Արատեսի հավես ճամբարից: Մեզ նաև միացել էին Արցախի դպրոցականները: Առաջին օրը մենք հաղթահարեցինք բարձունքը, որտեղ գտնվում էր Սմբատաբերդը, այն կառուցվել է 5-րդ դարում հայերի և պարսիկների միջև ճակատամարտի ժամանակ, նաև այն ունի ծովի մակարդակից մոտ 2000 մետր բարձրություն և այդտեղից հրաշալի տեսարան էր բացվում:
Հետո մենք վերադարձանք ճաշեցինք, իսկ երեկոյան խարույկի մոտ հավաքվեցինք:
Մյուս օրը առավոտյան արթնացանք, նախաճաշեցինք և մեզ միացան ԱԻՆ-ի փրկարարական անձնակազմից անդամներ, որից հետո բացատրեցին և ցույց տվեցին, թե տարբեր իրավիճակներում ինչպես պետք է վարվել: Ապա մենք իջանք գետ և նրանք ցույց տվեցին, ինչպես կփրկեն մարդուն, եթե նա մնացել է գետի մյուս ափին: Գետում նաև լողացանք և ուսումնասիրեցինք տեղանքի քարանձավները:
Հաջորդ օրը առավոտյան նախաճաշից հետո շարժվեցինք դեպի Երևան: Ճանապարհին ունեցանք մի քանի կանգառ, առաջինը գնացինք Զորաց եկեղեցի, այն կառուցվել է 1303թ-ին Օրբելյան իշխանների կողմից, որից հետո գնացինք Օրբելյանների քարավանատուն, այն հիմնադրվել է 1332թ-ին, այնտեղ կանգ էին առնում ուղտագնացները: Երրորդ կանգառը Հայրավանք եկեղեցու մոտ էր, այն կառուցվել է 9-րդ դարում, շատ գեղեցիկ եկեղեցի էր Սևանա լճի արևմտյան ափի մոտ:
Այսպիսով շա՜տ հետաքրքիր ու հավես անցավ մեր ճամբարը, որտեղ այցելեցինք Հայաստանի մի շարք պատմական, տեսարժան վայրեր և ձեռք բերեցինք նոր ծանոթություններ և ընկերներ:
Մարգարյան Միքայել 